L lëur da paur
Granc y pitli vën ficëi sëura pra l lëur sun l luech. L patron dl luech ie scultëur cualificà y ti fej l guiern ai tieres sun l mesc. Si fëna tlupa gën adum ierbes, les lëura y proa a crië rezetes nueves limpea. I vedli paures, Benjamin y Lidia, juda dlonch pea ulache l ie zeche da fé. Te nosta pitla stala vejelons trëi vaces y al mumënt nce doi pitli vadiei. Lievri ne daussel ënghedenó mancë y nosta gialines nes dà uni di ueves frësc. Te nosc verzon cultivons de plu sortes de verdures.
Canche l ie da fé fansëch ne n’iel nia mé nosc mutons che nes dà na man ma suvënz nce fredesc, ujins, berbesc, andes y jurmans. Scebën che la puscion ne ie nia cis granda iel sun n luech da paur mpo for drët truep da fé. I prei vën en pert mo siëi cun la fauc y en pert cun na pitla mascin da sië y dut restlà a man.
Do n tel lëur tan sfadiëus sot a surëdl ciaudin iel ëura de fé pitla marënda. Chësc ie bën un di mumënc plu biei dl di ajache tlo ruva duc adum. N maia y n s’la lascia jì bona!
